Жакшылык
Жашоо – бул Алланын берген жакшылыгы. Ал эми андан да чоң жакшылык руханий, материалдык жактан карызсыз жашоо.
* * *
Эң бактылуу адам, күнөөлөрүнүн артынан дароо тообо кылган адам. Андан да бактылуу адам күнөөлөрдөн ар дайым сактанган адам.
* * *
Кээ бир адам убакытты жонуп пайдаланат. Кээ бир адамды өмүр бою убакыт жонуп отурат...
* * *
Картайганда картаюуну ылдамдаткан эң чоң дарт картаюунун кайгысы...
* * *
Караңгылыкты жактырбаган жакшы. Бирок андан да жакшысы – караңгылыкты сөгүп-сагуунун ордуна кичинекей болсо да чырак жагуу.
* * *
Үзгүлтүксүз уланып турган аз жакшылык, кээде бар болуп, кээде жок болуп турган көп жакшылыктан дагы берекелүү.
* * *
Ден соолукту сактоо максатындагы бир аракет дарылануу максатындагы жүз аракеттен жакшы.
* * *
Эртеңки куйруктан бүгүнкү өпкө...
- Created on .