Мамиле
Такыбалык мамиледе билинет.
* * *
Момун кылган иштерин Алла көрөт деген ойдо жасайт.
* * *
Жамгыр булутта, жакшы мамиле болсо Алла менен байланышкан көңүлдөрдө болот.
* * *
Бардык нерсени жөнгө салууга болот, бирок кулк-мүнөздү жөнгө салуу кыйын...
* * *
Чоң эле кишинин эне сүтү оозунан кетпей жүргөнү уят. Бирок, андайды сүттөн чыгаруу да кыйын.
* * *
Эч ачууланбаган адамдын ачууланганы өтө башкача болот...
* * *
Ийри таяктын көлөкөсү түз болбогондой эле, жан дүйнөсүн жөнгө сала албаган адамдын кыймыл-аракети да түз болбойт.
* * *
Эл кыймыл-аракетиңе жараша сага кандай баа берген болсо, абалыңды өзгөртпөй туруп, алардан башкача мамиле күтүү бекер.
* * *
Саламаттыктан жакшы, башкаларга муктаж болуудан аянычтуу жана шарттын жоктугуна карабай такыба болуудан оор нерсе жок.
* * *
Мааниси жок сөз, такыбалыксыз дин, олуялыкка жана такыбалыкка жеткирбеген илим, кайрымсыз достук жана үмүтсүз жашоо жалган.
* * *
Чилдеканалар[1] адамдын эркин бекемдейт. Адам ал жерде өзүн тааныйт. Чилдеканада элден четтөө негизги нерсе. Мына ошондуктан руханий дүйнөнүн тереңдиги, кыймыл-аракеттин жакшы болушу шарт. Бирок улуу адамдар эл арасында бышып-жетилет. Адамдар менен мамиле түзүүнү толугу менен коом арасында гана үйрөнөт.
* * *
Сүйүшкөн жандардай ынак болгула. Бирок жумуш жана аласа-береседе жат адамдардай болгула!
* * *
Сен өзүңдү таанытам деп аракет кылба. Сени жасаган иштериң таанытсын!
[1] Чилдекана - сопулар өз напсин тарбиялап отурчу жай, дербиштердин жайы.
- Created on .