Илим
Так илимдер атеистикке алып барат деп коркуп, алардан оолак болуу – бала кыялдык. Динге, ыйманга карамакаршы, ыймансыздыкка түртөт деген түшүнүк түркөйлүк болуп саналат.
٭ ٭ ٭
Илимдер биздин бактыбызга кепил болуп, бизди адамдык бийиктикке жетелесе, анда пайдалуу. Эгер антпесе илим менен технология адам баласы үчүн коркунучтуу түш сыяктуу же жолубуздан чыккан желмогуздай.
٭ ٭ ٭
Доорубуздун башында илимге гана сыйынышып, бардык нерсени анын жолунда курмандыкка чалышкан кээ бир ою тайыз материалисттердин коркунучун доордун улуу илимпозу: “Динсиз илим – сокур, илимсиз дин – чолок” деген сылык сөзү менен четке каккан. Ал эми учурдагы сокур жана чолок адамдарды көрсө, эмне демек?!
٭ ٭ ٭
Так илимдерди кабыл албоо – түркөйлүк, так илимден башкасын жокко чыгаруу – сокур терс аяктык. Алган илим-билиминин жарыгында дагы билбеген көп нерсе бар экенин моюнга алуу – билимдүүлүк жана туура ой жүгүртүү.
٭ ٭ ٭
Илим жана техника адам баласына кызмат кылат, андан коркууга эч кандай негиз жок. Илимден эмес, түркөйлүктөн качуу керек.
- Created on .