Haqq və Ədalət
Ədalət, ən güclü (görünən) texnologiyalardan daha güclüdür.
* * *
Haqq, boynuna enən bir qılınc da olsa, boynunu ona uzatmaqdan çəkinmə..!
* * *
Haqq, izah edənlə anlayanı, təmsil edənlə bununla maraqlananı tapınca qanad açar.
* * *
Ədalət, hər yerdə etibarlı sərmayədir.
* * *
Ədalət, Allaha yaxın olma yollarındandır, amma nədənsə insanların çoxu ondan uzaq olmağı seçir.
* * *
İslamın qala divarları haqq, qapısı ədalət, içi də səadətdir.
* * *
Ədalətin hökm etdiyi xarabalar saraylardan daha qiymətli, zülmün hay-huyu ilə boğulmuş saraylar, xarabalardan daha pərişandır.
* * *
Axirət haqqında yəqinin qüvvətli olması, haqq və ədalət düşüncəsinin də qüvvətli və möhkəm olması deməkdir.
* * *
Haqqa qarşı vuruşan, gec-tez məğlub olar.
* * *
Başqalarını əzərkən, səni əzə biləcək bir gücün olduğunu da qətiyyən unutma!
- tarixində yaradılmışdır.