Жалғыз қалғандар

Жалғыз қалғандар деп үй-жайы, дос-жарандарынан қол үзіп қалғандарды айтпаймыз. Жалғыз қалған адам – өмір сүріп жатқан қоғамы оны түсіне алмаған кісі. Ол – мұраты биік, шексіз ғайып әлеміне қатысты түсінігі өзгеше, басқалардың бақыты үшін өз бас пайдасын ұмытқан, ерекше қайрат-жігерімен қара бастарының қамын күйттеген топтарға аттандап қарсы шыққан, қоғамда өгей баладай күн кешкен, әр іс-қимылымен ерекшеленген түсініксіз әрі қызық адам.