Көрөгөчтүк
Көрөгөчтүк - илим, тажрыйба, баам-парасат менен көрүп-сезүү, талдап билүү жана толук түшүнүү. Мына ушундай сапаттарга ээ көрөгөч адамдын Акыретке да ишеними болсо, анда ал чыныгы руханият каарманы.
* * *
Акылдуу, бирок көрөгөчтүк сапаты жок адам көп нерсени түшүнүп-билсе да, билген нерсеси менен эч жакка бара албасы анык.
* * *
Көрөгөчтүк кандайдыр бир нерсенин чыныгы акыйкатын, же ошого жакын маанини билүү болсо, анда акылдуу адамдын баары эле көрөгөч деп эсептелбеши мүмкүн.
* * *
Көрөгөчтүк сапатына ээ болбогон адамдын оюнда ар дайым шек-күмөн жана чечкинсиздик бар. Ал эми көрөгөч адамдар ар дайым чечкиндүү жана ишенимдүү болушат.
* * *
Акыл, ой-жүгүртүү мээнин эң акыркы кабыл алуусу, ал эми көрөгөчтүк болсо, жандын алгачкы кабыл алуу даражасы. Көрөгөчтүктүн туу чокусу – даанышмандык. Курани Каримде бул тууралуу “Кимге даанышмандык берилсе, ал бир далай жакшылыктарга жеткени анык”,деп айтылат.
* * *
Ааламды көз менен гана көргөндөр, аны көргөнүндөй түшүнө алат. Ал эми көкүрөгү менен туя билип, көрөгөч багыт түк кылгандар аары гүлдөрдөн бал топтогондой, бардык нерседен терең маани чыгара алышат.
* * *
Көз адамдардын туруш-турпатын, бет түзүлүшүн жана келбетин гана көрөт. Көрөгөчтүк булардын артындагы адеп-ахлак, улуу сапат жана руханий бийиктикти да сезет.
* * *
Көз заттардын жана окуялардын сырткы материалдык жагына гана баа берет, көрөгөчтүк анын маани-мазмунун, пайдасын, максатын жана катылуу сырын түшүнөт.
* * *
Көрөгөчтүк – акыл жана ой жүгүртүү эмес. Ой жүгүртүү акылдан жогору турса, ал эми көрөгөчтүк ой жүгүртүүдөн да жогору турган Алла берген жөндөм.
* * *
Адамзатты айбандан айырмалап турган – анын сезими, көрөгөчтүгү, илхам жана даанышмандыкка ээ болушу. Бул өзгөчөлүктөрдөн куру жалак калган адам кандай көрүнүштө болбосун, талап кылынган жогорку чекке жете албайт.
- Created on .