Жалган
Жалган-каапырдын сөзү. Жалган бул дүйнөдө эртеликеч билинери менен адамдын баркын түшүрүп, Акыретте тозокко алып барат.
* * *
Жалган - жалтак, чындык – олуттуу. Жалган - шайкелең, чындык - салабаттуу.
* * *
Жалган, айлакерлик, куулук, уурулук, жалаа жайылган өлкөлөр – урандыдай. Мындай өлкөлөрдүн эли кедей, аскерлери төңкөрүшчүл болот.
* * *
Жалганчылык кандай кубулса да, аны адамдардын дили сезет. Айрыкча, Алланын нуру менен көргөн баампарасаттуу адамдардан эч жашына албайт.
* * *
Жалган көбөйүп, коом анын азабын тартып турганда чындыктын тили кесилет.
* * *
Адамдын дили деңизге окшош. Жалгандар анын тээ ортосуна чейин кирип барса да, аны кайра жээкке чыгарып салат.
* * *
Дил жалгандын, ыймансыздыктын, жаңылыш жоромолдоонун, эл көрсүндүктүн бетине түкүрүп, аларды ар дайым жерип турат.
* * *
Жалган менен мактанычтар бош чакадай үн чыгарат. Чындык жана ыкыластуулук жай аккан суусу мол дарыядай үнсүз. Чагылган күндүн күркүрөшүнөн мурда жерге жетет...
- Created on .