Алланы жалгыз деп таануу жана аны сүйүү
Ким кандай сүйлөсө да биз “Алла Таала аны ушундай сүйлөттү” дешибиз керек. Мына ошондо гана каталык кетирбей, этияттанган болобуз.
* * *
Муктаждыгын Алладан тилеген адам эч качан куру калбайт.
* * *
Аллага таянган адам түбөлүк тирүү, анын көзү өтсө да Аллага таянгандыктан тирүү деп эсептелет.
* * *
Алла Тааланы сүйүүнүн эң жакшы жолу, бир эле мезгилде аны сүйүү жана ошол эле убакта Андан коркуу болуп саналат.
* * *
Алла бизге Өзүн сүйүүгө мүмкүнчүлүк бериши кандай гана зор насип...!
* * *
“Ушул күч максатка жеткирет” деп айтылып, кийин көп узабай ал таянычтар жер менен жексен болгонун миңдеген тажрыйбалар көрсөттү. Чыдамдуулук менен аракеттенип, Аллага тобокел кылып жашоо биздин милдетибиз.
* * *
Сага жамандык кылганга сен жамандык кылбасаң деле, убагы келгенде ага Кудай жазасын берет.
- Created on .