Адамдык жана адамгерчилик
Сенин элден кандай мамиле күтсөң, эл да сенден ошондой мамиле күтөт.
* * *
Башкаларга жардам берсең, сага да Алланын жардамы келет.
* * *
Бир жылмаюу менен болсо да бир тууганыңдын көңүлүн көтөрүүгө кайдыгер караба!
* * *
Адамдарды жакшы көрүп, жакшы көргөнүңдү сездирүү – акылдуулуктун жарымы.
* * *
Адамдардын арасындагы баркың, сенин аларды барктай билгендигиңе жараша болот.
* * *
Ар дайым айланасындагыларга өкүрүп-бакыргандар досторун качырып, душмандарын сүйүнтөт.
* * *
Ар ишке кийлигише берген адамдын жалаадан башы чыкпайт...
* * *
Сени кубандырган нерселер баарын кубантаарын унутпа!
* * *
Акылдуу адам айланасындагылардын күчүн да өз эсебине пайдаланууну билет. Акылсыз адамдар болсо ал күчтү колдонгонду койдум, айланасындагыларды күнөөлөп жатып, ал күчтү өзүнө каршы кылып алат.
* * *
Коңшуга коңшулук мамиле жасоо керек...
* * *
Жамандыгынан корккон адамыңды жакшылыктарың менен жумшартууга аракет кыл!
* * *
Жазалоого күчүң жетип турганда кечирсең, кечиримдин баркы билинет.
* * *
Туугандарыңдын көп экенин унутпа! Алар бир ата бир эненден тарабаса дагы түпкү атабыз Адам атадан тараган.
* * *
Кудайдын эркине толук моюн сунган момундар эмес, фанаттар гана айланасындагыларды кыйратып жок кылганды билишет.
* * *
Азыркы учурда дин тутунган адамды фанатик дешет. Фанатизм термини акыйкатка көз жуумп, ката ой-пикирди кежирлик менен тутунуп алуу деген мааниге келет. Ал эми акыйкатты бекем тутунуу жакшы сапат жана момундун мындай ишин фанатизм менен чаташтыруу жаңылыштык.
* * *
Баарын ыраазы кылуу ар бир жигиттин колунан келе бербейт.
* * *
Кимдир бирөөдөн жакшылык көрүү үчүн, кимдир бирөөгө жакшылык кылуу керек...
* * *
Бузук ниет адамды сокур, дүлөй жана ташбоор кылып коёт.
* * *
Бирөөгө жасалган жакшылык же жамандык – эртеңки күнү өзүбүз туш боло турган нерселердин үрөнү. Жан дүйнө жакшылыктарды да жамандыктарды да чагылдырып турат.
* * *
Өз камын гана ойлобой, шамдай күйүп, эрип баратса да башкаларга жарык чачкан адам төрт тарабы төп келишкен азамат.
* * *
Тилдин узундугу менен колдун кыскалыгы жыландарга гана жарашат жана бул сапаттар адам баласы үчүн жыланга айлануу болуп саналат.
* * *
Адамдын кечиримдүүлүгү анын жазалоо кудуретине жараша бааланат. Жазалоого күчү жетип турса да кечире алса ошондо гана анын кечиримдүүлүгү билинет.
- Created on .