Үй-бүлөнүн маанилүүлүгү
Ар бир элдин жана коомдун улуулугу үй-бүлөдөн, жубайлар кол кармашып курган үйдөн башталат. Ушул себептен тарбия, үй-бүлөдөн башталса гана түбөлүктүү болот. Үй-бүлө тарбиянын негиздеринин үстүнө курулбаса, коомдун тарбиялуу болушу дагы мүмкүн эмес. Ал гана эмес кемчиликсиз таалим-тарбия системасы идеалдуу адам тарбиялоодо өтө маанилүү болсо дагы, үй-бүлө тарбия жаатында өз маанилүүлүгүн сактайт.
Үй-бүлөдө жана өзгөчө азыктануусу керек болгон учурда жакшы азыктанган зээндер, өтө катуу терс таасирлерге кабылып калбаса эле, келечекте кээ бир жакшы иштердин каармандары болуп, бизди таң калтырышы мүмкүн. Ооба үй-бүлөдөгү ийгилик, жалпы жашоодогу ийгиликтин алгачкы баскычы жана бул баскыч туура үй-бүлө курууга байланыштуу.
- Created on .